Velkommen til kræsjkurs og dansefest 22. august!
Tragder inviterer til kræsjkurs og dansefest med Nortopia - der folkemusikkens rike tradisjonar får nytt liv.
Med Ingrid Sørheim på durspel, Johanne Mjøs på fele/hardingfele, og Kristian Wolski på cittern, inviterer Nortopia publikum inn i ei verd der vakre og fengande melodiar møtest i delikat samspel. Trioen har utvikla ein særeigen musikalsk stil som både gir påfyll og senkar skuldrene til lyttaren. Tradisjonsmateriale frå Vestlandet ligg Nortopia sitt hjarte nær, og utgjer utspringet for deira musikalske uttrykk.
Velkomen inn, kom som du er! Etter konserten blir det dansefest! Alle er velkomne, barn og vaksne - her trengs ingen forkunnskapar!
Tidlegare på dagen blir det kurs i både dans og spel med Nortopia og lokale krefter på Kulturkammeret.
Her kan du lese meir om arrangementet (lenkje).
Arr: Tragder
