Jakupscena inviterer til konsert med den plateaktuelle duoen "Himmelleite".
Konserten skjer sundag 21. september kl. 19:30 i Lom stavkyrkje.
Ungdomstalent: info kjem.
Billettar 200,-/100,-/0,- kjøpast via Tikkio eller i døra.
https://tikkio.com/events/58383
Ingrid Lingaas Fossum og Vemund Olav Aukrust starta duoen Himmelleite i 2022. Dei utforskar ein unik musikalsk kombinasjon: Langeleik og kyrkjeorgel, med innslag av song og kraviklyre. Hausten 2025 kjem dei med si fyrste plate, og i den anledning vil dei halde ein konsert i Lom Stavkyrkje.
Gjennom konserten får vi høyre folkemusikk frå Ottadalen og Valdres i ein ny musikalsk drakt: Halling, springleik og valdresspringar, lyarlåttar og bådnsullar ? tidvis kombinert med klassiske tolkningar av det same slåttematerialet.
Himmelleite er eit anna ord for horisont, og blir ofte brukt om synsranda innover i fjellet. Tittelen Efterklang fra fjeldreisen har dei henta frå ei notenedteikning av komponisten Halfdan Kjerulf. Han var ein av mange som reiste til fjells på inspirasjonsreise, og som tok med seg folkemusikken inn i komposisjonane sine.
Plata er produsert av Vegar Vårdal, og er gjeve ut av Melovitten. Plata lanserast 29. august!
www.jakupscena.no / www.facebook.com/jakupscena / jakupscena@gmail.com
Støtta av: Kulturdirektoratet, Innlandet fylkeskommune, Frifond/Norske kulturarrangører, Lom kommune, Regionrådet.
Foto: Sanne Augusta Løkke.
Arrangør: Jakupscena
